Scighera Milanesa - La scighera (ciamada anca nebia) a l'è un fenomen metereulogich che l'è pruvucaa de l'evapuraziun de l'aqua che la gh'è in del sör o in d'una distesa de aqua in süperfiss. A cuntat cun l'aria, el vapur de l'aqua al vegn püssee fregg e'l se cundensa in d'un areosol furmaa de gut piscininn che rifrangen la lüs del suu e la fan vegnì d'un culur panaa (bianch).
D'Inverna in de la pianüra padana al càpita de spess che la ghe sia la scighera, suratüt dopu che'l cala o 'l leva sü el suu. In 'sti ultim agn de scighera gh'en è però de men rispet a un temp.
(fonte: http://lmo.wikipedia.org/wiki/Scighera) |
